【www.cqzdj.com--爱情滋味】
彼年夏天的淡水线歌词
彼年热天的淡水线最后一班的火车
我佮伊伫人潮之中愈行愈相倚
十七八岁的心弦弹出青春的少年
两人毋捌忧愁的滋味一切拢正拄仔开始
彼年热天的沪尾街令人难忘的相会
我佮伊去沙仑的路上亲像欲对海风飞
十七八岁的心事唱出青涩的歌词
两人毋捌恋爱的滋味一切拢正拄仔开始
故事发展真简单初恋欲有结果诚困难
虽然交往欲几偌冬分手矣嘛是就爱甘愿
只是我看着长长的淡水线
就会来想起彼当时斗阵的日子彼段渺茫的过去
只是我看无远远的彼个人就会来想起
即当时伊咧创啥物谁人咧陪伴伊
今年热天的淡水线终点站的尾班车
我佮伊早就结束了各人的路家己行
即几年来的心情可能只有天知影
浅浅啖着人生的滋味一切拢正拄仔开始
人生的滋味一切拢正拄仔开始